1. കൊത്ത2

    1. നാ.
    2. കൊത്തൽ 2. കൊത്തകൂവൽ = ഇളങ്കോഴിയുടെ അവ്യക്തമായ കൂവൽ, പൂവൻ കോഴി ആദ്യമായി കൂവുന്നത്
    3. കൊത്തപറയുക

  2. കൊത്ത1

    1. നാ.
    2. അഴുക്ക്, ചെളി, മാലിന്യം, വെള്ളവും മണ്ണും കൂടി കുഴഞ്ഞു കിടക്കുന്നത്. ഉദാ: കൊത്തത്തൊട്ടി

  3. കൊത്ത്2

    1. നാ.
    2. കൂർത്തഭാഗം ശക്തിയായി മുട്ടിച്ച് മുറിവുണ്ടാക്കുകയോ ഇറുക്കി എടുക്കുകയോ ചെയ്യൽ (പക്ഷികൾ ചുണ്ടുകൊണ്ടെന്നപോലെ)
    3. സർപ്പം മുതലായ ചില ജീവികളുടെ കടി
    4. കൊത്തു പണി
    5. കിളയ്ക്കൽ. "കൊത്തു കഴിഞ്ഞാൽ പത്തോണക്ക്" (പഴ.)
    6. കോടാലി, വെട്ടുകത്തി മുതലായവ കൊണ്ടുള്ള വെട്ട്, മുനയുള്ള പണിയായുധങ്ങൾ കൊണ്ടുള്ള പ്രയോഗം
    7. സ്വർണത്തിൻറെ മാറ്ററിയുവാൻ ഉണ്ടാക്കുന്ന അടയാളം, ആണിക്കൊത്ത്
    8. കഷണം, മരത്തിൻറെ ചെറിയ കൊമ്പ്, ഉദാ: മാങ്കൊത്ത്
    9. ചതച്ചു നീരെടുത്തശേഷം ബാക്കിയുള്ളത്, പിശട്, ചണ്ടി, പിണ്ടി, ഉദാ: മരച്ചീനിക്കൊത്ത്, തേങ്ങാക്കൊത്ത്
    10. മദ്യപിക്കൽ
    11. ഉപയോഗശൂന്യമായ വസ്തു. (പ്ര.) കൊത്തും കൊയ്യാലും = തേങ്ങ വെട്ടുന്നതിനു കൊടുക്കുന്ന പ്രതിഫലം

  4. കൊത്ത്3

    1. നാ.
    2. കൂട്ടം
    3. പൂക്കളുടെയോ തളിരുകളുടെയോ കുല, തൊത്ത്, ഉദാ: പൂങ്കൊത്ത്
    4. തുണിക്കഷണം
    5. ഒരു പിടി
    6. ധാന്യമായിട്ടു കൊടുക്കുന്ന കൂലി

  5. കോത1

    1. നാ.
    2. ദ്രാവിഡഗോത്രത്തിൽപ്പെട്ട ഒരു അസം പുഷ്ടഭാഷ

  6. കോത2

    1. നാ.
    2. പൂമാല
    3. സ്ത്രീകളുടെ മുടി
    4. പൂമാല പോലെ സുന്തരിയായ സ്ത്രീ
    5. അണിഞ്ഞൊരുങ്ങി ശൃംഗാരചേഷ്ടകളോടെ നിൽക്കുന്ന സ്ത്രീ, കോതേച്ചി

  7. കോത3

    1. നാ.
    2. കാറ്റ്

  8. കോത4

    1. നാ.
    2. ഉടുമ്പ്
    3. ഞാണടികൊണ്ടു മുറിവേൽക്കാതിരിക്കാൻ വില്ലാളികൾ ഇടതുകയ്യിൽ ധരിക്കുന്നതും തോലുകൊണ്ടുണ്ടാക്കുന്നതുമായ കൈയുറ
    4. ഒരു വാദ്യവിശേഷം, മരയ്ക്കാൽപ്പറ

  9. കോത5

    1. നാ.
    2. ഒരു സംജ്ഞാനാമം
    3. ചേരരാജവംശജരുടെ ഒരു ബിരുദം
    4. ഒരു ഗ്രാമത്തിൻറെ പേര്

  10. കോത്1

    1. കോതുക
    2. ധാതുരൂപം

സാദൃശ്യമുള്ള മറ്റു പദങ്ങള്‍

അഭിപ്രായങ്ങളും നിർദ്ദേശങ്ങളും രേഖപ്പെടുത്തുക