1. കുട3

    1. നാ.
    2. വെയിലും മഴയും ഏൽക്കാതിരിക്കാൻ തലയ്ക്കുമുകളിൽ പിടിക്കുന്ന ഒരു ഉപകരണം
    3. രാജചിഹ്നങ്ങളിൽ ഒന്ന്, വെൺകൊറ്റക്കുട
    4. ദേവവിഗ്രഹങ്ങൾ എഴുന്നള്ളിക്കുമ്പോൾ ഉപയോഗിക്കുന്ന കുട, മുത്തുക്കുട
    5. കുടയുടെ ആകൃതിയിലുള്ളത് (മെതിയടിയുടെയും മറ്റും കുമിഴ്, ഒട്ട്, കൊണ്ട തുടങ്ങിയവ) ഉദാഃ ആണിയുടെ കുട
    6. മണിബന്ധത്തിലും കാൽക്കുഴയിലും മുഴച്ചുനിൽക്കുന്ന അസ്ഥിഭാഗം
    1. പ്ര.
    2. കുടക്കീഴാക്കുക = അധീനതയിലാക്കുക, സമ്രക്ഷിക്കുക
    1. നാ.
    2. കുടചുരുക്കുക, -മടക്കുക = (1. വണക്കം കാണിക്കുക, 2. തോൽവിസമ്മതിക്കുക)
    3. കുടപ്പുറത്തു വെള്ളമൊഴിക്കൽ = (1. കുളിക്കാൻ വയ്യാത്ത രോഗികൾക്കും മറ്റും പുല വാലായ്മ മുതലായവയിൽനിന്നു ഒഴിവുകിട്ടാൻവേണ്ടിച്ചെയ്യുന്ന ഒരു ചടങ്ങ്, 2. വിഷമഘട്ടങ്ങളിൽ വല്ലവിധേനയും പരിഹാരം കണ്ടെത്തുക)
    4. "അൽപന് ഐശ്വര്യം വന്നാൽ അർധരാത്രി കുടപിടിക്കും" (പഴ.)

  2. കുട1

    1. -
    2. "കുടയുക" എന്നതിൻറെ ധാതുരൂപം.

  3. കുട2

    1. വി.
    2. വളഞ്ഞ

  4. കൂട3

    1. വി.
    2. അസത്യമുള്ള, വ്യാജമായ. കൂടകരണം = കള്ളപ്രമാണം
    3. ചലിക്കാത്ത, ഉറപ്പുള്ള
    4. ഉന്തിനിൽക്കുന്ന

  5. കൂടാ

    1. -
    2. നിഷേധരൂപം. ഉദാ: ചെയ്തുകൂടാ, പറഞ്ഞുകൂടാ.

  6. കൂട്

    1. -
    2. "കൂടുക" എന്നതിൻറെ ധാതുരൂപം.

  7. കൂട്

    1. നാ.
    2. കാരാഗൃഹം
    3. പക്ഷികൾ സ്വയം നിർമിക്കുന്നതോ വളർത്തുന്ന പക്ഷികൾക്കായി ഉടമസ്ഥൻ നിർമിക്കുന്നതോ ആയ വാസസ്ഥാനം
    4. മൃഗങ്ങളെയും ഇഴജന്തുക്കളെയും മറ്റും സൂക്ഷിക്കുവാനുള്ള സ്ഥലം, ഉദാ: കടുവാക്കൂട്
    5. ഇഴജന്തുക്കളെയും മറ്റും പിടിച്ച് സൂക്ഷിക്കുന്നതിൻ ഉപയോഗിക്കുന്ന മൂടിയുള്ള വട്ടി
    6. ചെറുപ്രാണികളുടെ പാർപ്പിടം, ഉദാ: കടന്നൽക്കൂട്
    7. കോടതികളിൽ വിസ്തരിക്കപ്പെടുന്ന വാദി, പ്രതി, സാക്ഷി എന്നിവർക്കു നിൽക്കാനുള്ള സ്ഥലം, (പ്ര.) കൂട്ടിലാക്കുക = കുഴപ്പത്തിലാക്കുക
    8. ആശ്രയസ്ഥാനം, അഭയകേന്ദ്രം
    9. ഉറ (കത്തിയുടെയും മറ്റും)
    10. ലക്കോട്ട്, എഴുത്തിനും മറ്റുമുള്ള കൂട്
    11. ശരീരം, കൂടുവിട്ടു കൂടുമാറുക = യോഗശക്തികൊണ്ട് സ്വശരീരത്തിൽനിന്നു ജീവനെ വേർപ്പെടുത്തി മറ്റൊരു ശരീരത്തിൽ പ്രവേശിക്കുക, പരകായപ്രവേശം ചെയ്യുക, യോഗശക്തികൊണ്ട് ഒന്നിലധികം സ്ഥലങ്ങളിൽ ഒരേസമയത്ത് പ്രത്യക്ഷപ്പെടുക
    12. തേങ്ങയും മറ്റും സൂക്ഷിക്കുന്നതിൻ അഴിയടിച്ചു കൂടുപോലെ പ്രത്യേകം നിർമിക്കുന്ന മുറി, തേങ്ങാക്കൂട്
    13. (മുസ്ലിംസ്ത്രീകളുടെ) ഒരുതരം കർണാഭരണം
    14. ഏലസ്സ്

  8. കൂറ്റ്1

    1. നാ.
    2. നിലവിളി
    3. മനുഷ്യശബ്ദം, ഒച്ച
    1. സംഗീ.
    2. ശാരീരം, കണ്ഠഗുണം

  9. കൂറ്റ്2

    1. -
    2. സ്വരം പരമാകുമ്പോഴും സമസ്തപദത്തിൽ വിശേഷണമായി പ്രയോഗിക്കുമ്പോഴും "കൂറ്" എന്ന് അപദം കൈക്കൊള്ളുന്ന രൂപം, = കൂറ്; ഉദാ: കൂറ്റുവാണിഭം, കൂറ്റുവാണിയം = പങ്കുകച്ചവടം; കൂറ്റുകൃഷി, കൂറ്റുഴവ് = പങ്കുകൃഷി.

  10. ഗുഡ1

    1. വി.
    2. ഉരുണ്ട
    3. കുഴമ്പുരൂപത്തിലുള്ള

സാദൃശ്യമുള്ള മറ്റു പദങ്ങള്‍

അഭിപ്രായങ്ങളും നിർദ്ദേശങ്ങളും രേഖപ്പെടുത്തുക