ചെന്നുചേരുക, ചെന്നുപറ്റുക, പ്രാപിക്കുക

പ്രാപ്തമാക്കുക, തികയുക (കാലമെന്നപോലെ) ഉദാ: പരീക്ഷാഘട്ടം എത്തുക, കാലം എത്തുക

ഏതെങ്കിലും ഒരു സ്ഥാനം വരെ നീണ്ടുകിടക്കുക. ഉദാ: ഉപ്പൂറ്റിവരെ എത്തുന്ന തലമുടി

തൊടുവാൻ തക്കവിധം ആകുക. ഉദാ: കൊമ്പിൽനിന്നു പൂപറിക്കാൻ കൈ എത്തുകയില്ല. എത്തിയാൽ കുടുമ, അല്ലെങ്കിൽ കാൽ. എത്താത്തകമ്പിൽ പറിയാത്ത വള്ളി. "കയ്യ് എത്താത്ത മുന്തിരിങ്ങ പുളിക്കും" (പഴ.)

അടുത്തുവരിക. ഉദാ: ഒപ്പം എത്തുക

കാൽവിരൽ കുത്തി പൊങ്ങുക. ഉദാ: എത്തിനോക്കുക

വന്നുഭവിക്കുക, വന്നുകൂടുക, സംഭവിക്കുക

കിട്ടുക, കൈവരുക

അവസാനിക്കുക, ഒടുങ്ങുക, തീരുക. "മാറാത്ത വ്യാധിക്കു എത്താത്ത മരുന്ന്" (പഴ.)

ചതിക്കുക, മോഷ്ടിക്കുക, തട്ടിയെടുക്കുക

പാദങ്ങളിലെ രണ്ടാമത്തെ അക്ഷരത്തിനു സാമ്യമുണ്ടായിരിക്കൽ, ദ്വിതീയാക്ഷരപ്രാസം

സ്തുതിക്കുക, പുകഴ്ത്തുക, കൊണ്ടാടുക