1. ഉത്ക

    1. വി.
    2. ശ്രദ്ധയില്ലാത്ത
    3. ആഗ്രഹമുള്ള, താത്പര്യമുള്ള
    4. ദു:ഖമുള്ള

  2. ഉല്ക1

    1. നാ.
    2. പ്രകാശം
    3. കരി
    4. തീക്കൊള്ളി, ചൂട്ട്
    5. കൊള്ളിമീൻ, എയ്ത്തു നക്ഷത്രം

  3. ഉദക്-

    1. വി.
    2. വടക്കേ, വടക്കോട്ടുള്ള. (സന്ധിയിൽ ഉദഗ്, ഉദങ് എന്നും മാറ്റം. ഉദാ: ഉദഗ്ഭവം, ഉദങ്മുഖം.)

  4. ഉലക്ക

    1. നാ.
    2. ഉരലിലിട്ട് നെല്ലുകുത്തുന്നതിനുള്ള ഉപകരണം, ഭാരമുള്ള തടികൊണ്ടുതീർത്ത നീണ്ടുരുണ്ടകോൽ, അറ്റത്ത് ഇരുമ്പുകൊണ്ട് പൂണും കാണും
    3. ഒരു ആയുധം, മുസലം
    4. നീരസം സ്ഫുരിപ്പിക്കുന്ന ഒരു പദം. (പ്ര.) ഉലക്കമാടൻ = പൊണ്ണത്തടിയൻ, വകയ്ക്കു കൊള്ളാത്തവൻ

  5. ഉതക്ക്

    1. നാ.
    2. അരക്കെട്ട്
    3. ഭീഷണി
    4. കടമ്പ, കാലികൾക്കും കുട്ടികൾക്കും കടന്നുപോകാൻ പറ്റാത്തവിധത്തിൽ കുറ്റികൾ നാട്ടി ഉണ്ടാക്കിയ വേലി

  6. ഉതുക്ക്

    1. നാ.
    2. അരക്കെട്ട്
    3. ഭീഷണി
    4. കടമ്പ

  7. ഉലകം, ഉലക്

    1. നാ.
    2. (ആദ്യസ്വരാഗമം ചെയ്ത രൂപം); ലോകം, ഭൂമി
    1. പ്ര.
    2. ഉലകിഴിയുക. (ഉലക്-ഇഴിയുക = ഭൂമിയിലേക്ക് ഇറങ്ങി വരിക)

  8. ഉൽക്ക്

    1. നാ.
    2. ചുങ്കം

  9. ഊതുക

    1. ക്രി.
    2. "ഊ, ഊ" എന്നു ശബ്ദം പുറപ്പെടത്തക്കവണ്ണം ബലമായി ശ്വാസം വായിൽക്കൂടി പുറത്തേക്കുവിടുക, ഊക്കോടെ വായു മുമ്പോട്ട് പായത്തക്കവണ്ണം ചുണ്ട് ഉരുട്ടി മുന്നോട്ടാക്കി വായിൽക്കൂടെ ശ്വാസം പുറത്തേക്കു തള്ളുക. ഉദാ: വിളക്ക് ഊതിക്കെടുത്തുക
    3. കാറ്റു വീശുക
    4. കുഴൽ വിളിക്കുക, ശംഖ്, ഓടക്കുഴൽ മുതലായ സുഷിര വാദ്യങ്ങളിൽക്കൂടി ഊക്കോടെ വായു പുറത്തേക്കുവിട്ടു സംഗീതാത്മകമായ ശബ്ദമുണ്ടാക്കുക
    5. വായിൽക്കൂടെ ഊക്കോടെ വായുപുറപ്പെടുവിച്ചു തീകത്തിക്കുക
    6. വീർക്കുക, വണ്ണിക്കുക, കനം വയ്ക്കുക. ഉദാ: വയർ ഊതിപ്പെരുകുക
    7. ഉലയിൽ തീകത്തത്തക്ക വണ്ണം തുരുത്തി പ്രവർത്തിപ്പിക്കുക
    8. രോഗം ഭയം മുതലായവ ഇല്ലാതാക്കുന്നതിന് മന്ത്രം ജപിച്ച് ഉച്ചാടനകാര്യമായി വായിൽക്കൂടി ശ്വാസം ഊക്കോടെ പായിക്കുക
    9. സ്ഫുടംവയ്ക്കുക, സ്വർണവും വെള്ളിയും ഉരുക്കാനായി തീയിലിട്ട് ഊതുക
    10. മീൻപിടിക്കാൻ അച്ചുകുഴലിൽനിന്നും ചെറിയ ഉണ്ടയോ അമ്പോ ഊതിത്തെറിപ്പി ക്കുക
    11. വദനസുരതം ചെയ്യുക (അശ്ലീലം). (പ്ര.) ഊതിക്കഴിക്കുക = തീയിൽ ഉരുക്കിശുദ്ധിയാക്കുക. ഊതിക്കുടിക്കുക = ചൂടുകഞ്ഞി ഊതിത്തണുപ്പിച്ചുകുടിക്കുക, അരിഷ്ടിച്ചുകഴിക്കുക. ഊതിപ്പെരുക്കുക, -വീർപ്പിക്കുക = ഉള്ളതിൽനിന്ന് വളരെ വലുതാക്കി (അതിശയോക്തി പരമായി) പറയുക

  10. ഉൽക്ക

    1. വി.
    2. ഉത്ക

സാദൃശ്യമുള്ള മറ്റു പദങ്ങള്‍

അഭിപ്രായങ്ങളും നിർദ്ദേശങ്ങളും രേഖപ്പെടുത്തുക